English

Sir Frycheiniog


Wayne Sargeant

Ymweliadau Fferm yn yr Hydref – Bioamrywiaeth ar y Fferm

Mewn ymgynghoriad â’n hariannwyr, sef Cyngor Cefn Gwlad Cymru a’r Fforwm ESD&GC ym Mhowys, rydym ar gael i hwyluso ymweliadau Fferm Ysgolion yr hydref hwn, gyda phwyslais arbennig ar bioamrywiaeth a dysgu sgiliau, a hynny ar gyfer plant o bob oed.

Yn aml, profiad personol uniongyrchol yw’r ffordd orau i ddisgyblion ddod i’r afael â’r cysyniadau hyn a’r materion cymhleth. Mae trip ysgol – wedi’i gynllunio’n dda rhwng yr athro a’r ffarmwr – yn cynnig lleoliad cofiadwy i weld, cyffwrdd â, a deall realiti bioamrywiaeth. Gall plant weld eu hunain beth sydd yna, gallant glywed gan y ffarmwr sut y gall bethau fod wedi newid yn ddiweddar, a gallant ddysgu pa gamau y mae’r ffarmwr yn eu cymryd i hyrwyddo bioamrywiaeth yn lleoliad y ffarm lleol. Mae nifer o’r ffermwyr gwirfoddol sy’n gweithio gyda’r Prosiect PABA yn rhan o Gynllun Amaethyddol Amaeth-Amgylcheddol Tir Gofal, ac mae rhai yn organig a/neu’n ymwneud â datblygu arfer da.

Tyfu eich tatws eich hun yn 2009
Cofrestrwch nawr!

Yn 2008, fe wnaeth 48 o Ysgolion Powys gofrestru a derbyn bagiau o datws hadyd a thaleb i brynu compost yn ogystal â chyfarwyddiadau a phosteri!
Gallwch gymryd rhan YN RHAD AC AM DDIM, a bydd yr ysgolion hynny a wnaeth gymryd rhan eleni (2008) yn derbyn e-bost yn eu gwahodd i gymryd rhan yn 2009. Yn ogystal, mae’r Cyngor Tatws yn cynnig 2000 o becynnau tyfu arall i alluogi i hyd yn oed mwy o ysgolion fanteisio o’r prosiect. Bydd y rhain ar gael i’r 2000 ysgol cyntaf a fydd yn cofrestru ar-lein.
Cliciwch ar y botwm isod i gofrestru, dim ond os na wnaethoch gofrestru y llynedd!

http://www.potatoesforschools.org.uk/

 

 

Disgyblion o Ysgol Gynradd Sirol Llanfihangel Rhydieithon yn archwilio’r goedwig gyda’r ffarmwr Alex Higgs ym mis Mehefin 08

 

Tyfu Llysiau yn yr Ysgol?

Mae nifer o ysgolion wedi cysylltu â ni i ofyn am gyngor, gwybodaeth a chyllid ar gyfer garddio mewn ysgolion – tyfu bwyd yn hytrach na blodau i gysylltu â’r Cwricwlwm Cenedlaethol a dysgu sgiliau ymarferol.

Am becyn gwybodaeth rhad ac am ddim cynhwysfawr, cysylltwch â ‘Garden Organic’.

‘Garden Organic’ – cyswllt ar gyfer ysgolion
 

Llanbedr yn codi i’r ‘her’

Cafodd staff Ysgol Gynradd yr Eglwys yng Nghymru Llanbedr fwy nag un her fel rhan o gystadleuaeth peintio ar gyfer ysgolion trwy Bowys, a lansiwyd gan Ymddiriedolaeth Bwyd a Thir Canolbarth Cymru ym mis Mai. Y dasg i’r disgyblion oedd peintio label ar gyfer jar o Siytni, ond ‘beth yw siytni’? Trefnwyd sesiwn blasu gan yr athrawes Jo Davies, Lisa Lewis a Jane Morgan, gan ddefnyddio jariau o siytni a brynwyd o siop lleol, ac fe wnaethant esbonio am y gwahanol flasau, a sut y cafodd y siytni ei wneud. Yn dilyn y sesiwn, fe wnaeth y dosbarth gynhyrchu ei siytni ei hun. Cafodd y blasau amrywiol eu blasu a’u hasesu gan y disgyblion, a chafodd y jariau eu gwerthu i rieni a ffrindiau’r ysgol.

Yn dilyn llwyddiant y gweithgaredd hwn ymhlith y staff a’r disgyblion, penderfynwyd ei ailadrodd y tymor hwn, a chafodd y siytni ei weini gyda chaws a bara yng nghinio diolchgarwch yr ysgol ar 2 Hydref.

Ac yna at y peintio – fe wnaeth pob plentyn yn yr ysgol gymryd rhan yn y gystadleuaeth, a gwobrwywyd yr ysgol, gan iddi ennill 10 tystysgrif, yn cynnwys y tri wobr gyntaf yn y grwp oed 4-5 a’r wobr gyntaf ar y cyd yn y grwp oed 6-8.

Cafodd y gwobrau eu cyflwyno gan Wayne Sargeant, Swyddog y Prosiect PABA yng ngwasanaeth yr ysgol ar 7 Hydref.


Mewn rhannau eraill o Sir Frycheiniog, derbyniwyd ceisiadau gan ysgolion Gurnos, Dolafon, Bronllys a Sant Joseff, gyda’r olaf yn ennill y wobr gyntaf yn y grwp oed 9-11.

Reodd Wayne Sargeant, Swyddog Prosiect Sir Frycheiniog yn hapus iawn gyda’r canlyniadau, yn enwedig yn wyneb cystadleuaeth anodd iawn o ysgolion ar draws Powys, ac mae’n gobeithio gweld cynnydd yn nifer y ceisiadau y flwyddyn nesaf. Hefyd, hoffai weld yr ysgolion uwchradd yn cymryd rhan yn y grwp oed 11-16.

Yn ystod tymor yr haf, aeth dosbarth Babanod a Derbyn Talgarth ar ymweliad i Upper Panteg a Lower Panteg, daliadau cyfagos ym Mhengeuffordd. Hefyd, aeth dosbarth K Ysgol Fabanod Mount Street i weld bridiau prin a thraddodiadol Sue Cooke yn Fferm Minfield, Bronllys, a oedd yn cynnwys defaid Mynydd Du Cymreig, gwartheg Dexter a gwartheg gwyn Prydeinig, cobiau Cymreig a nifer o fridiau o foch gyda moch bach – Cymreig, Welsh, Gloucester Old Spot, Oxford Sandy and Black, Saddleback a Kune-Kune. Hefyd, aeth Llanbedr i Upper Panteg, lle roedd yr Alpacaod, yn enwedig y cria newydd, yn atyniad poblogaidd iawn. Aeth Ysgol Gynradd Talgarth ar bedwar ymweliad i Lower Porthamel Farm ar gyrion Talgarth. Cafodd yr ysgol ei ffrydio’n fertigol, a diolch i garedigrwydd a brwdfrydedd y ffarmwr Joel Durrell, cafodd yr holl blant yn yr ysgol gyfle i brofi’r fferm arganig hwn, yn cynnwys godro geifr, llysiau, gwartheg, defaid, perllan afalau a phêrs, samplu ffrwythau meddal, hwyaid, gwyddau a ffured! Hefyd, daeth Blwyddyn 10 Ysgol Uwchradd Gwernyfed yma fel rhan o ddiwrnod menter ym mis Gorffennaf.

Mae tymor yr hydref wedi dechrau gydag ymweliad gan ddisgyblion iau Bronllys i’w fferm lleol, Minfield. Mae ysgolion yng nghlwstwr Ystradgynlais hefyd yn cynllunio ymweliadau i ddaliad lleol, a gobeithir cael ysgolion yn gwneud gweithgareddau ymarferol mewn Planhigfa Coed yn ystod misoedd yr hydref a’r gaeaf.

Mae Marchnadoedd Ffermwyr Ysgolion wedi’u cynnal yng Nghwmdu, Llan-gors a Rhosgoch, ac mae un arall wedi’i gynllunio ar gyfer Llanbedr ym mis Rhagfyr. Mae Camdu, Rhosgoch a Llan-gors wedi mynegi diddordeb mewn cynnal marchnad yn y gwanwyn. Yn Nhalgarth, mae marchnadoedd Stryd chwarterol yn cael eu cynnal erbyn hyn, amrywiad ar y syniad o Farchnad Ffermwyr Ysgolion. Cynhelir y nesaf o’r rhain ar 6 Rhagfyr.