Sir Drefaldwyn

Caroline Davies yw Cydlynydd Prosiect CAFE (rhan-amser) gan weithio yn Sir Drefaldwyn.

Mae Caroline yn ffermio yng Nghanolbarth Cymru ac wedi gweithio ym maes economi cefn gwlad yng Ngogledd Cymru gydag ADAS/FRCA, gan arbenigo mewn bwyd a thwristiaeth. Mae ganddi ddau o blant, Huw 10 oed ac Elizabeth 7 oed, ac mae hefyd yn llywodraethwr yn yr ysgol gynradd.

Ymweliadau Fferm yn yr Hydref – Bioamrywiaeth ar y Fferm

Mewn ymgynghoriad â’n hariannwyr, sef Cyngor Cefn Gwlad Cymru a’r Fforwm ESD&GC ym Mhowys, rydym ar gael i hwyluso ymweliadau Fferm Ysgolion yr hydref hwn, gyda phwyslais arbennig ar bioamrywiaeth a dysgu sgiliau, a hynny ar gyfer plant o bob oed.

Yn aml, profiad personol uniongyrchol yw’r ffordd orau i ddisgyblion ddod i’r afael â’r cysyniadau hyn a’r materion cymhleth. Mae trip ysgol – wedi’i gynllunio’n dda rhwng yr athro a’r ffarmwr – yn cynnig lleoliad cofiadwy i weld, cyffwrdd â, a deall realiti bioamrywiaeth. Gall plant weld eu hunain beth sydd yna, gallant glywed gan y ffarmwr sut y gall bethau fod wedi newid yn ddiweddar, a gallant ddysgu pa gamau y mae’r ffarmwr yn eu cymryd i hyrwyddo bioamrywiaeth yn lleoliad y ffarm lleol. Mae nifer o’r ffermwyr gwirfoddol sy’n gweithio gyda’r Prosiect PABA yn rhan o Gynllun Amaethyddol Amaeth-Amgylcheddol Tir Gofal, ac mae rhai yn organig a/neu’n ymwneud â datblygu arfer da.

Tyfu eich tatws eich hun yn 2009
Cofrestrwch nawr!

Yn 2008, fe wnaeth 48 o Ysgolion Powys gofrestru a derbyn bagiau o datws hadyd a thaleb i brynu compost yn ogystal â chyfarwyddiadau a phosteri!
Gallwch gymryd rhan YN RHAD AC AM DDIM, a bydd yr ysgolion hynny a wnaeth gymryd rhan eleni (2008) yn derbyn e-bost yn eu gwahodd i gymryd rhan yn 2009. Yn ogystal, mae’r Cyngor Tatws yn cynnig 2000 o becynnau tyfu arall i alluogi i hyd yn oed mwy o ysgolion fanteisio o’r prosiect. Bydd y rhain ar gael i’r 2000 ysgol cyntaf a fydd yn cofrestru ar-lein.
Cliciwch ar y botwm isod i gofrestru, dim ond os na wnaethoch gofrestru y llynedd!

http://www.potatoesforschools.org.uk/

Disgyblion o Ysgol Gynradd Sirol Llanfihangel Rhydieithon yn archwilio’r goedwig gyda’r ffarmwr Alex Higgs ym mis Mehefin 08

Tyfu Llysiau yn yr Ysgol?

Mae nifer o ysgolion wedi cysylltu â ni i ofyn am gyngor, gwybodaeth a chyllid ar gyfer garddio mewn ysgolion – tyfu bwyd yn hytrach na blodau i gysylltu â’r Cwricwlwm Cenedlaethol a dysgu sgiliau ymarferol.

Am becyn gwybodaeth rhad ac am ddim cynhwysfawr, cysylltwch â ‘Garden Organic’.

‘Garden Organic’ – cyswllt ar gyfer ysgolion

Menter Llysiau Cymunedau’n Gyntaf Oldford

Veg planting at the Oldford Communities First Funday

Ar ddydd Sul 30 Gorffennaf, fe wnaeth yr Ymddiriedolaeth, ar y cyd â Phrosiect PABA, sefydlu stondin yn Ystâd Oldford, Y Trallwng ar gyfer Diwrnod Hwyl a gynlluniwyd gan drigolion, y fforwm ieuenctid yn benodol. Cynigiwyd y cyfle i bobl botio eginblanhigion a hau hadau o’u dewis, er mwyn tyfu llysiau, salad a/neu berlysiau yn y cartref, a hynny ar batio neu ar sil ffenestr. Darparwyd amrywiaeth eang o ‘ddail’ salad fel eginblanhigion gan Dr Michele Becker o Ymddiriedolaeth Bwyd a Thir Canolbarth Cymru, ac roedd hi ar gael i helpu’r plant a rhai o’r oedolion i’w plannu.

Bu dros 50 o bobl yn plannu mwy na 100 o botiau o bob maint. Dewisodd rhai i blannu bwced o datws. Roedd blodfresych yn boblogaidd iawn gyda’r bechgyn, ond y mwyaf poblogaidd oedd potiau cymysg o ddail salad, y gellir eu tynnu o’r pot fel y mae eu hangen, a byddant yn parhau i dyfu! Yn bennaf, y trigolion hyn a ddewisodd blannu perlysiau ar gyfer eu sil ffenestr.

Roedd Hannah Guntrip, Swyddog Prosiect Cymunedau’n Gymtaf ac Yvonne Jones, pennaeth Ysgol Fabanod Oldford yn llawn clod ar gyfer y fenter. Hefyd, gwnaeth buwch y Prosiect PABA ymddangosiad, yn ffres o fod yn y Sioe Fawr. Fodd bynnag, y tro hwn, fe wnaeth y cawodydd glaw rheolaidd effeithio rhywfaint ar ei hwyl!

Roedd Caroline Davies ar y stondin trwy’r dydd, ac roedd yn mwynhau gweld diddordeb bywiog y plant, a oedd yn awyddus i ddysgu am dyfu pethau. “Rwy’n gobeithio y bydd eu rhieni’n gallu dod o hyd i le ar gyfer yr holl botiau” dywedodd hi ar ôl y digwyddiad.

Ymweliadau Fferm – Digwyddiad Rhwydweithio Cyntaf!

Fe wnaeth dros 30 o bobl fynychu’r cyntaf o’r digwyddiadau hyn, a gynhaliwyd ger Y Drenewydd ar 10 Mai. Cyfarfu athrawon a ffermwyr sy’n cynnig ymweliadau i ysgolion yn Fferm Dyffryn, Aberhafesb ger Y Drenewydd ar ôl ysgol. Cynhaliwyd y digwyddiad hwn gan Dave a Sue Jones, y mae eu fferm organig yn perthyn i raglen ‘Mynediad Addysgol’ y cynllun amaeth-amgylchedd Tir Gofal. Fe wnaeth yr ymwelwyr fwynhau taith gerdded o amgylch y fferm, gyda phlant o Ysgol Aberhafesb yn arddangos sut i archwilio pyllau dwr. Roedd yr athrawes ymgynghorol Jan Rees yn frwdfrydig ynglyn â’r profiadau dysgu amrywiol yr oedd fferm deuluol yn ei ddarparu - yn ôl Jan, byddai ymweliadau rheolaidd i alluogi dysgu trwy ddod yn gyfarwydd yn cynnig cyfleoedd dihafal ar gyfer pynciau fel pethau byw, y tymhorau ac, wrth gwrs, bwyd.

Gofynnwyd am ymweliadau fferm, ac aeth yr athrawon ag adnoddau ar gyfer eu hysgolion gyda hwy. Roedd nifer o’r adnoddau hyn yn ddwyieithog. Roedd y gweithgareddau dilynol y gofynnwyd amdanynt yn cynnwys cymorth i ddynodi ffermydd lleol, cynnal asesiadau risg ac ymweld â Marchnad Ffermwyr Y Trallwng i gwrdd â chynhyrchwyr.

Gwnaeth y digwyddiad argraff dda ar Jane Powell, a oedd yn cynrychioli FACE (Ffermio ac Addysg Cefn Gwlad) yng Nghymru, sy’n cefnogi’r digwyddiadau hyn. Mae prosiect CAFE yn bwriadu cynnal mwy o ddigwyddiadau mewn gwahanol rannau o’r sir yn y misoedd sydd i ddod.

Roedd Caroline Davies, Cydlynydd y Prosiect, yn falch fod y prosiect wedi sicrhau tair blynedd arall o gyllid gan Gyngor Cefn Gwlad Cymru, o Ebrill 2006. Mae cefnogaeth barhaol Adran Plant, Teuluoedd a Dysgu Gydol Oes Cyngor Sir Powys wedi cynnal y prosiect ers diwedd y cyfnod peilot ym mis Ionawr eleni. Dylai’r cylchlythyr cyntaf fod ar gael yn fuan, a bydd ‘Portffolio Gweithiol’ o wybodaeth i ysgolion yn cael ei anfon at bob ysgol yn Sir Drefaldwyn.