Adnoddau:

EUROPE DIRECT – Adnoddau am ddim i ysgolion

Mae Fiona Harris yn cydlynu gwaith trosglwyddo gwybodaeth Europe Direct ym Mhowys. Fe’i lleolir yn Nhy Ladywell Y Drenewydd, ac mae’r swyddfa yn un o chwech ar draws Cymru a 700 ar draws Ewrop, sy’n darparu cyngor a gwybodaeth i 450 miliwn o bobl ar draws y 27 gwlad sy’n aelodau o’r UE. Nod Europe Direct yw i gynnig gwybodaeth gyffredinol am faterion yr UE mewn unrhyw un o ieithoedd swyddogol yr UE, ateb cwestiynau ar unrhyw un o bolisïau’r Undeb Ewropeaidd a darparu gwybodaeth ymarferol ar ddwsinau o bynciau.

Mae Europe Direct yn awyddus iawn i gysylltu â phlant o bob oed. Mae yna nifer o gyhoeddiadau AM DDIM ar gael i ysgolion, a gellir archebu’r rhain trwy Fiona. Ewch i www.ec.europa.eu am wybodaeth am yr UE. Mae’r Gornel Darllen Hawdd yn dangos rhai o’r eitemau sydd ar gael. Mae’r wybodaeth yn gysylltiedig â nifer o bynciau, yn cynnwys bwyd, yr amgylchedd, newid yn yr hinsawdd, diwylliant, daearyddiaeth. Ffoniwch Fiona ar 01686 611050 neu anfonwch e-bost at fharris@wcva.org.uk i drafod ymhellach.

Ysgolion Bro

Mae Llywodraeth Cynulliad Cymru yn diffinio Ysgol Fro fel un sy’n darparu amrywiaeth o wasanaethau a gweithgareddau, yn aml y tu hwnt i’r diwrnod ysgol, i helpu i gwrdd ag anghenion ei disgyblion, eu teuluoedd a’r gymuned ehangach. Felly, mae’r Tîm Ysgolion Bro wedi ehangu’n ddiweddar i gynnwys dau Gydlynydd Ysgolion Bro ar gyfer Gogledd a De Powys.

Mae dros 20 prosiect Ysgolion Bro wedi’u hariannu o 2005 hyd at ddiwedd Mawrth 2008. Mae’r Tîm Ysgolion Bro yn gweithio’n agos gyda’r tîm PABA i ddarparu amrywiaeth o weithgareddau y Tu Allan i Oriau Ysgol ac allgyrsiol ar gyfer disgyblion ysgol a’u teuluoedd, yn cynnwys:
· Gofal cofleidiol · Clybiau brecwast
· Clybiau ar ôl ysgol · Gweithgareddau cyn ysgol
· Clybiau chwaraeon · Clybiau gwyliau
· Cyrsiau a gweithgareddau TGCh · Prosiectau amgylcheddol

Am ragor o wybodaeth ynglyn ag Ysgolion Bro, cysylltwch ag un o’r swyddogion isod:

Y Tîm Ysgolion Bro: Karen Finucane a Jacquie Brown (Ffôn 01597 826000): (Canol / De Powys) Sheela Hughes (01691 648044) a Hywel Roberts (Ffôn 01938 552404): (Gogledd Powys)

Un o brif amcanion Prosiect CAFE yw creu banc adnoddau i ysgolion sydd ar gael i bawb. Ceir llawer o ddeunyddiau gwych ar y we neu ar gopi caled – yn aml yn rhad ac am ddim – gan gynnwys ar CD ROM a thaflenni gwaith y gellir eu llungopïo. Gan nad oes gan athrawon yr amser i chwilio am y rhain, mae’r prosiect wedi gallu helpu. Ar hyn o bryd yr adnodd mwyaf defnyddiol a diweddaraf sydd ar gael i’w lawr lwytho yw o wefan Pythefnos Bwyd Prydain:

PYTHEFNOS BWYD PRYDAIN – SUT I GYMRYD RHAN

I lawr lwytho copi o rifyn 2005 o ‘Putting the ‘Ooo’ back into food – A Resource Pack for Schools’, cliciwch yma. Dyma gasgliad A4 gwych o syniadau a ffynonellau gwybodaeth.

I lawr lwytho copi o rifyn 2005 ‘Britain’s Regional Food & Drink – Advice for Retailers & Caterers’, yn cynnwys gwybodaeth i dai bwyta, tafarndai a siopau ar sut i gymryd rhan ym Mhythefnos Bwyd Prydain, cliciwch yma.

Cliciwch yma i gael poster y gallwch ei lawr lwytho i’w ddangos yn eich siop, tafarn, bwyty neu ysgol.

Os hoffech gopi caled o’r deunyddiau hyn, anfonwch e-bost at info@britishfoodfortnight.co.uk

Gwefan Jamie Oliver

...i archebu pecyn i ysgolion.

Adnoddau am ddim gan Brosiect Llaeth Ysgol

Y National Association of Field Studies Officers (NAFSO)

Yw’r unig gorff yn y DG sy’n cynrychioli pobl broffesiynol sy’n gweithio ym maes dysgu, datblygu a hybu astudiaethau gwaith maes. Corff gwirfoddol yw hwn sy’n ceisio lledaenu arfer da ymhlith ei aelodau a sicrhau bod eu buddiannau’n cael eu cynrychioli’n genedlaethol.

Mae gan NAFSO aelodau mewn canolfannau ledlèd y DG, gan gynnwys rhai o dan adain awdurdodau lleol yn ogystal â mudiadau annibynnol ac elusennol.

Mae’r Gymdeithas yn cynhyrchu amrywiaeth o gyhoeddiadau ac yn trefnu gweithgareddau hyfforddi trwy gydol y flwyddyn, yn cynnwys cynhadledd dri diwrnod ym mis Ionawr.

Yn ystod y blynyddoedd diwethaf, mae NAFSO wedi gweithio mewn partneriaeth â sefydliadau eraill gan gynnwys awdurdodau addysg lleol, Y Grid Cenedlaethol, Asiantaeth yr Amgylchedd, ‘English Nature’, Asiantaeth Cefn Gwlad a ‘Growing Schools’.

Canolfan Organic Cymru

Mae Canolfan Organig Cymru'n cydweithio â ffermydd organig ac ysgolion i hyrwyddo dealltwriaeth o fwyd a ffermio ymhlith myfyrwyr ysgol.

Cyngor Cefn Gwlad Cymru

Adnoddau'r Athrawon

Bwyd yng nghwricwlwm yr ysgol

Ydych chi’n awyddus i wybod mwy am y ffordd y mae’r cwricwlwm cenedlaethol yng Nghymru yn rhoi cymorth i ddisgyblion a’u teuluoedd i fwyta’n iachach? Os felly ewch i
www.wales.nhs.uk/sites3/w-page.cfm?orgid=499&pid=10961

FACE yng Nghymru

Elusen yw FACE, neu Addysg Ffermio a Chefn Gwlad (Farming and Countryside Education), ac mae dros 50 o gyrff yn aelodau ohoni, a phob un ohonynt yn ymroddedig i waith addysgol sy’n ymwneud â bwyd, ffermio a chefn gwlad. Mae FACE yn hybu ymweliadau â ffermydd ac yn cynorthwyo i ganfod adnoddau a gweithgareddau i ategu’r ymweliadau hynny.

Ers i Tudur Aled Davies ymddeol fel cydlynydd rhanbarthol FACE yng Nghymru y llynedd mae Jane Powell o Ganolfan Organig Cymru yn Aberystwyth yn gwneud y gwaith. Bydd Jane yn gweithio gyda Prosiect PABA a phartneriaid eraill yng Nghymru i ysgogi diddordeb mewn addysg ffermio ar bob lefel, o ysgolion i’r Cynulliad.

Am fwy o wybodaeth, cysylltwch â hi ar 01970 622248 neu ar jane@face-online.org.uk. Cewch wybodaeth hefyd am FACE, gan gynnwys adnoddau ar gyfer ysgolion, ar www.face-online.org.uk.

Ymddiriedolaeth Bywyd Gwyllt Sir Drefaldwyn – Gwasanaeth Addysg
Dod â Gwyddoniaeth yn Fyw

Mae gan Ymddiriedolaeth Bywyd Gwyllt Sir Drefaldwyn nifer o warchodfeydd natur sy’n addas i gael eu defnyddio gan ysgolion. Dewch i archwilio’r amrywiaeth o fywyd sydd yn Llyn Coed y Dinas ger Y Trallwng neu Bwll Penarth ger Y Drenewydd.

Gallwn gynnig rhaglenni addysg sydd wedi’u cynllunio i gefnogi’r cwricwlwm, offer gwaith maes a swyddog addysg i arwain eich ymweliad. Gall ddisgyblion brofi pob math o weithgareddau cyffrous, yn cynnwys archwilio pyllau dwr, hela bwystfilod bach a gwylio adar.

Hefyd, gall ein swyddog addysg ddod i’r ysgol i weithio gyda dosbarthiadau neu glybiau unigol.
Ymddiriedolaeth Bywyd Gwyllt Sir Drefaldwyn
Collot House
20 Severn Street
Y Trallwng
Powys
SY21 7AD

Katie Gee
Swyddog Addysg
E-bost: katie@montwt.co.uk
Ffôn: 01938 555654
Ffacs: 01938 556161

Oxfam

Mae’r elusen Oxfam wedi cyhoeddi pecyn ar gyfer athrawon, ‘Our Food, Our World: a Let’s eat photopack for ages 5 to 9’

http://publications.oxfam.org.uk/oxfam/display.asp?K=9781870727778

Adolygiad Athro:

Mae plant yn hoffi dysgu gan blant eraill. Yn y pecyn ardderchog hwn, yr athrawon yw AA yng Ngwlad Thai, Jordan yn Ffrainc, Thembe yn Ne Africa, Luis ym Mecsico a Yamini yn India. Maent oll rhwng chwech ac wyth oed, ac rydym yn eu gweld yn cymryd rhan mewn nifer o weithgareddau yn ymwneud â thyfu i fyny, prynu, paratoi a mwynhau bwyd.

Mae’r ffotograffau A4 clir ar gerdyn cryf. Mae AA yn siopa gyda’i nain yn yr archfarchnad ac ar stondin lysiau; mae Jordan yn helpu allan ym mar y teulu ac yn mynd i hel madarch; mae Thembe yn dringo coeden i chwilio am ffrwythau; mae Luis yn eistedd i lawr i bryd teuluol; mae Yamini yn torri moronen ac yn mynd am bicnic. Yn fuan, rydym yn sylwi fod yr holl weithgareddau hyn yn “wahanol ond yr un fath”. Mae’r dewis gofalus hwn o ddelweddau amrywiol i ddangos anghenrheidiau sy’n gyffredin yn ffordd ddelfrydol o annog archwilio a thrafod yn y dosbarth.

Mae’r llyfryn hael i athrawon yn awgrymu cyfoeth o syniadau: meddwl am o ble y daw bwyd a beth sy’n cyfrannu i gost bwyd, trafod manteision sbeislyd v plaen, gwneud rhestr o bwy sy’n coginio beth yn y cartref. Mae poster lliwgar a CD-Rom sy’n cynnwys yr holl ffotograffau ar gyfer IWB a PC, gydag atyniadau eraill megis taith banana, yn cwblhau adnodd defnyddiol iawn.