GWASANAETHAU’R YMDDIRIEDOLAETH

• Hyrwyddo sgiliau coginio ymysg pobl leol gan ddefnyddio bwydydd lleol. Mae gan yr Ymddiriedolaeth gytundeb gyda chynllun Cychwyn Cadarn i ddarparu cyfres o wersi mewn sgiliau bywyd sylfaenol, gan gynnwys coginio, yng Nghanolfan yr Ehedydd yn y Drenewydd.
  
• Darparu gwasanaeth ymgynghorol i’r sectorau cyhoeddus a phreifat ynghylch ffynonellau bwydydd lleol, ac ynghylch cydymffurfio â strategaethau cenedlaethol a lleol mewn perthynas â maeth, iechyd a lles. Mae gan yr Ymddiriedolaeth gytundeb gyda Chyngor Sir Powys i gynnal adolygiad o’r gwasanaeth Pryd ar Glud yn Sir Drefaldwyn.
  
• Gweithio gydag ysgolion lleol er mwyn datblygu prydau ysgol iachus, gan ddefnyddio cynnyrch lleol – cynnyrch organig lle bo hynny ar gael. Byddem yn argymell ‘dull o weithio sy’n cynnwys yr ysgol gyfan’ lle bydd disgyblion yn astudio bwyd fel rhan o’u hastudiaethau dinasyddiaeth ar y cwricwlwm. Bydd hyn yn arwain at ‘blant sy’n gall ynghylch bwyd’ gyda disgwyliadau uwch. Rydym hefyd yn gweithio gyda staff arlwyo, ac yn awgrymu newidiadau ynghylch sut i baratoi bwyd, yn ogystal â delio gyda chanfyddiadau ynghylch bwyd. Mae’r Ymddiriedolaeth yn cydweithio gydag Ysgol Uwchradd Y Trallwng wrth iddi ymgeisio i fod yr ysgol gyntaf yng Nghymru i ennill y wobr ‘Bwyd am Fywyd’.
  
• Hyrwyddo ‘marchnadoedd yn iard yr ysgol’ lle mae cynnyrch lleol, organig lle bo hynny ar gael, yn cael ei farchnata mewn llefydd lle mae pobl leol yn dod at ei gilydd yn naturiol. Mae’r Ymddiriedolaeth yn cefnogi marchnad iard ysgol yr Ysgol Gynradd yn Aberhafesb, sydd yn hynod o lwyddiannus.
  
• Hyrwyddo cynllun ‘Bwyd i Dwristiaeth’, lle defnyddir twristiaeth fel cyfrwng i arwain datblygu isadeileddau fydd yn cynorthwyo gyda defnyddio a dosbarthu bwydydd lleol.
  

CYNLLUNIAU’R DYFODOL

• Sefydlu gardd gymunedol, cegin gymunedol a chaffi cymunedol i’w defnyddio fel canolfan i ddysgu sgiliau tyfu, cynaeafu a choginio a’r budd a geir o fwyta’n iach. Byddai’r prosiect hwn yn rhoi ‘canolbwynt’ y gellir ychwanegu siop fferm a chanolfan bwyd cydweithredol ato.
  
• Hwyluso rhaglen hyfforddi ar gyfer gwirfoddolwyr sy’n gweithio gyda phlant yn yr ardd gymunedol a’r gegin gymunedol (ar ôl eu sefydlu).
  
• Sicrhau fod pob disgybl, wrth iddo/iddi adael yr ysgol, yn meddu ar dystysgrif hylendid bwyd.
  
• Cyfrannu at hyrwyddo nodau ‘Hybu Iechyd Cymru’ yn enwedig mewn perthynas â’r rhaglen ‘Bwyd a Ffitrwydd’.
  
• Cynorthwyo cynhyrchwyr bwyd lleol i newid i ddulliau cynhyrchu a dulliau marchnata mwy cynaladwy a meithrin mentrau ar y cyd megis cynlluniau marchnata cydweithredol ac e-fasnach
  
• Datblygu cynlluniau addysgiadol i ddefnyddwyr a chymunedau ar hyd a lled Canolbarth Cymru, a’u hannog i wneud mwy o’u siopa yn lleol a thrwy gynlluniau cydweithredol i gael bwyd lleol o ansawdd da.
  
• Trefnu a hybu wythnosau bwyd lleol.
  
• Datblygu brandiau ar gyfer cynnyrch a gynhyrchir yng Nghanolbarth Cymru. Bydd brandiau felly’n rhoi sicrwydd i ddefnyddwyr ynghylch safonau amgylcheddol diffiniedig, ac ynghylch meini prawf cynnyrch sy’n cyfrannu’n uniongyrchol tuag at reoli’r amgylchedd a’r dirwedd.

PWY YDYM NI

Dr Michele Becker,Gwyddonydd a ffarmwr organig	Linda Broughall, Pennaeth Ysgol Gynradd Aberhafesb	John Evans, Uwch Ymgynghorydd, ADAS
Margaret Evitts, Pennaeth Ysgol Fabanod Gungrog, Y Trallwng	Dr Barbara Grantham, Gwyddonydd ac Ysgrifennydd Cwmni	Sue Jones, Arweinydd yr Adran Lletygarwch a Thwristiaeth yng Ngholeg Powys a ffarmwr organig
Antony Lewis, Bargyfreithiwr ac aelod o Gymdeithas y Pridd	Louise Powell, Tiwtor mewn sgiliau coginio sylfaenol ac aelod o Reithgor Rhieni'r Comisiwn Bwyd	Lavinia Vaughan, Ffarmw a phen-cogydd, a Chyfarwyddwr Cyswllt Bwyd dros Gymru