Daw Cath Smith i Ganolbarth Cymru o Ogledd Orllewin Lloegr. Hi fydd rheolwr llinell y Prosiect PABA, yn ogystal â bod yn gyfrifol am y portffolio datblygol o weithgareddau’r Ymddiriedolaeth. Am y pum mlynedd diwethaf, mae hi wedi bod wrthi’n gyrru datblygiad a thwf y grwp bwyd rhanbarthol ‘North West Fine Foods’, a chyn hynny, bu’n rheoli datblygiad cynaladwy yn y sector amaeth-amgylchedd. Mae gan Cath brofiad helaeth yn y sector bwydydd rhanbarthol a lleol, ac mae’n teimlo’n angerddol ynglyn â rôl bwyd a ffermio o ran adfywio’r economi lleol ac ailgysylltu pobl â’r bwyd y maent yn ei fwyta. Mae bwyd yn dod yn fwy pwysig i bobl, wrth iddynt ddod wedi’u dadrithio gyda’r diwydiant bwyd a’r adwerthwyr mawr. Fodd bynnag, mae’r gadwyn cyflenwi bwyd lleol wedi torri i lawr i raddau helaeth. Erbyn hyn, mae Cath yn edrych ymlaen at weithio gyda Bwrdd y Prosiect PABA a’r Ymddiriedolaeth yn ei waith arloesol i ailadeiladu’r gadwyn fwyd lleol ar draws Canolbarth Cymru, ac i roi bwyd go iawn yn ôl i’r hyn sydd ar gael i bobl pan fyddant yn siopa, a’u dewisiadau o ran yr hyn y maent yn ei fwyta.

Erbyn hyn, mae’r Ymddiriedolaeth wedi symud i’w swyddfa gyntaf yn Y Drenewydd.

Bydd y Cyfarwyddwr newydd wedi’i leoli yn:
Ymddiriedolaeth Bwyd a Thir Canolbarth Cymru
Frolic House
Frolic Street
Y Drenewydd
SY16 1AP

Menter Llysiau Cymunedau’n Gyntaf Oldford

Ar ddydd Sul 30 Gorffennaf, fe wnaeth yr Ymddiriedolaeth, ar y cyd â Phrosiect PABA, sefydlu stondin yn Ystâd Oldford, Y Trallwng ar gyfer Diwrnod Hwyl a gynlluniwyd gan drigolion, y fforwm ieuenctid yn benodol. Cynigiwyd y cyfle i bobl botio eginblanhigion a hau hadau o’u dewis, er mwyn tyfu llysiau, salad a/neu berlysiau yn y cartref, a hynny ar batio neu ar sil ffenestr. Darparwyd amrywiaeth eang o ‘ddail’ salad fel eginblanhigion gan Dr Michele Becker o Ymddiriedolaeth Bwyd a Thir Canolbarth Cymru, ac roedd hi ar gael i helpu’r plant a rhai o’r oedolion i’w plannu.

Bu dros 50 o bobl yn plannu mwy na 100 o botiau o bob maint. Dewisodd rhai i blannu bwced o datws. Roedd blodfresych yn boblogaidd iawn gyda’r bechgyn, ond y mwyaf poblogaidd oedd potiau cymysg o ddail salad, y gellir eu tynnu o’r pot fel y mae eu hangen, a byddant yn parhau i dyfu! Yn bennaf, y trigolion hyn a ddewisodd blannu perlysiau ar gyfer eu sil ffenestr.

Roedd Hannah Guntrip, Swyddog Prosiect Cymunedau’n Gymtaf ac Yvonne Jones, pennaeth Ysgol Fabanod Oldford yn llawn clod ar gyfer y fenter. Hefyd, gwnaeth buwch y Prosiect PABA ymddangosiad, yn ffres o fod yn y Sioe Fawr. Fodd bynnag, y tro hwn, fe wnaeth y cawodydd glaw rheolaidd effeithio rhywfaint ar ei hwyl!

Roedd Caroline Davies ar y stondin trwy’r dydd, ac roedd yn mwynhau gweld diddordeb bywiog y plant, a oedd yn awyddus i ddysgu am dyfu pethau. “Rwy’n gobeithio y bydd eu rhieni’n gallu dod o hyd i le ar gyfer yr holl botiau” dywedodd hi ar ôl y digwyddiad.

Prosiect PABA...

Ar ôl cwblhau prosiect peilot deuddeg mis yn 2005, mae Prosiect PABA wedi ennill cyllid gan Gyngor Cefn Gwlad Cymru, a chefnogaeth barhaol Adran Addysg Cyngor Sir Powys i ymestyn dros dair blynedd, i gynnig gwasanaethau ac adnoddau’r prosiect i ysgolion trwy gydol Powys o fis Ebrill 2007.

Ewch at Brosiect PABA

Achlysuron i ddod